Home » Despues di haci problema den cas: Homber a yora ora ela wordo deteni

Despues di haci problema den cas: Homber a yora ora ela wordo deteni

by Admin
0 comment 70 views

San Miguel – Diasabra pa mas o e menos 7:20 p.m polis a ser pidi na San Miguel, unda cu na un cas un tata tawata haciendo fastioso.

Patruya bayendo San Miguel ariba caminda a topa cu dos mucha, nan lo ta yiu di e homber. Ambos a subi den e patruya y hunto cu polis nan a bay nan cas.

Segun e muchanan, e tata lo ta buscando problema cu nan mama y nan a spanta.

Polis a yega y a bati na e porta di cas, por a mira cu e homber lo a sali.

Agentenan a papia cune y na su postura por a mira cu e ta bebi y cu esey tawata un motibo cu muchanan ta tur spanta. Ela wordo splica ariba e consecuencianan.

A tuma datos di e señora tambe y despues a bay over na detene e homber. Esaki tawata pa motibo cu eta bou influencia y lo ta causa problema den cas.

Momento cu polis a pone boeinan na su man e homber a bira emocional y tawata yorando.

A splica cu elo wordo hiba warda pa evita mas problema y asina e por sosega y tambe reflexiona ariba kiko ela haci.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio