Home » Aruba One Happy Island Lions Club ta recauda fondo y ta pidi cooperacion di un y tur

Aruba One Happy Island Lions Club ta recauda fondo y ta pidi cooperacion di un y tur

by Admin
0 comment 77 views

Diasabra atardi di 4 ‘or pa 7 ‘or na Rotonde di Santa Cruz:

Gana un Auto Hyundai Eon 2019 pa solamente 5 florin dia di sorteo 2 di november

Oranjestad – Aruba One Happy Island Lions Club ta sigui cu su campaña pa recaudacion di fondo. E simannan nos dilanti pa medio di un rifa, cu solamente 5 florin pa ticket bo por gana como prome premio un Auto Hyundai Eon 2019 nobo, segundo premio un Estadia di un fin di Siman na un hotel local y tercer lugar un ticket pa 4 persona por disfruta un dia riba De Palm Island. E sorteo mes lo tuma luga dia 2 di november 2019 pa 8 ‘or di anochi durante un evento na Centro di Bario Tanki Lender. Cu e fondo recauda nos club por sigui realiza proyectonan na bienestar di nos comunidad. Un apelacion na henter comunidad na Aruba pa yuda nos yuda esnan den comunidad cu ta den necesidad. Pa ticket por acerca nos miembronan y rebendedornan di Aruba One Happy Island Lions Club kendenan lo ta na diferente punto strategico di nos pais bendiendo e ticketnan di e rifa. Pa buki di rifa por tuma contacto na number 594-0043 of 746-0428. Diasabra 12 di oktober miembro y boluntarionan di Aruba One Happy Island Lions Club lo ta bendiendi e rifa di auto na rotonde na Santa Cruz for di 4 or di atardi pa 7 or di anochi. Nos ta spera e contribucion di nos comunidad.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio