75
Jan Flemming – Diasabra 4:30 a.m polis a bay altura di e vang rails na Jan Flemming, unda un motociclista a accidenta.
Na yegada polis a topa cu un hoben ariba caminda drumi kehando di basta dolor. Polisnan a constata tambe cu elo a fractura un pia, debi cu un di e pianan no tawata den un posicion normal.
Ambulance a wordo avisa y tawata na caminda.
Polisnan a compronde cu e brommer lo tawata biniendo for di zuid pa drenta Jan Flemming. Ey ta unda algo a sosode cu e motociclista a perde control y keda slide na e vang rail pa bay termina ariba caminda.
Suerte di e motociclista tawata cu ela hera un palo di luz.
Na yegada di Ambulance Paramediconan a stabilise y despues a bay direccion Hospital.