Home » Parlamentario Endy Croes: Melvin Donkey Tromp honkeando atrobe! “Un burico bo ta saca for di mondi pero mondi bo no ta saca for di su cabes”

Parlamentario Endy Croes: Melvin Donkey Tromp honkeando atrobe! “Un burico bo ta saca for di mondi pero mondi bo no ta saca for di su cabes”

by Admin
0 comment 46 views

Parlamentario Endy Croes por a tuma nota di Melvin Donkey Tromp durante conferencia di prensa a saca un bachi bieu fo’i cashi, dal’e bisti y como un ex politico fracasa awor kier tilda hasta Ministerio Publico. AVP su modus operandi no a cambia. Ora AVP kier baha di nivel pa desvia atencion di entre otro e caso IBIS di Paul Croes y e caso AVESTRUZ di Benny Sevinger ambos ex ministernan di AVP, nan ta manda e “Donkey” Tromp bay honkea y papia tur sorto di disparate culpando tur hende pero nunca ta mishi cu e casonan andando di corupcion, fraude y ladronicia di AVP esta e “Real McCoy”. Mesun Donkey Tromp aki kier a kita e cas di su propio mama y kier a saca otro rumannan afor sin kier a paga nan. Como ruman nan tambe tin mesun derecho.

Bay entrega keho na OM
Parlamentario Endy Croes ta sigui splica cu e no ta sinti pa baha den lodo pero lo scoge pa laga Melvin “Donkey” Tromp landa su so eyden. Melvin a sinta lastra lider Evelyn Wever Croes, Rocco Tjon y mi persona y kere cu su storianan lo haya forsa pa asina tapa e caso di AVESTRUZ? Asina 8 aña largo AVP a manipula lastrando hendenan drechi y gaña henter un pueblo pa nan por a horta e pais aki na nan antoho creando e Mega Debe y lagando atras un desaster financiero nunca bisto. Parlamentario Endy Croes ta reta e “burico” pa e stop di honkea y yora pero bira homber, prepara bo caso contra Evelyn Wever Croes, prepara bo caso contra Rocco Tjon y prepara bo caso contra mi persona y bay Ministerio Publico y entrega keho.

Ladronicia di tereno di pueblo
Como Parlamentario nos a haci un trabou momento cu nos a ricibi documentonan cu ta duna indicacion fuerte di corupcion y ladronicia den tereno. Nos a ricibi documentonan unda amigonan di Benny Sevinger a bende y a cobra 3.5 MIYON dollar den un solo transaccion. Nos a ricibi documento unda Leoncita bo amiga a ricibi un tereno riba un NV cu no tabata ni existi y a bende esaki y e placa a bay Miami Springs. Carta cu un peticion fecha 20 di augustus 2015, anto e Minister ta firma abou y aprob’e riba 14 di augustus 2015 cu stempel di su oficina. Ta riba esakinan nos como Parlamentario a haci nos trabou y ta keda na Ministerio Publico pa analisa y inicia un investigacion si nan haya cu tin suficiente base.
Awor cu OM a drenta cas di Benny AVP ta los un burico bin desvia atencion. E Parlamento aki no a sinta papia pero a actua. Si no tin nada malo boso no mester tin miedo pero por lo menos nos a cumpli cu locual pueblo a pidi pa wordo haci.

Parlamentario Endy Croes ta termina mandando un mensahe pa Donkey Tromp: No mas honkeamento y yoramento pero “be a man” y prepara bo casonan contra nos tur y bay entrega nan na Ministerio Publico. Aruba mester di politiconan sincero pa saca Aruba for di e debacle cu AVP a laga Aruba aden. Payasonan manera Donkey Melvin no ta contribui net net nada na esaki!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio