Home Lifestyle “ Di chiquito nos ta educa nos muchanan di FAVI y tambe...

“ Di chiquito nos ta educa nos muchanan di FAVI y tambe comunidad”

SHARE

E dia international di garoti di guia ta 15 di October.  Pa varios aña FAVI ta hasi demonstracion den nos trafico den luna di October. Nos demonstracion ta tuma lugar na diferente districto y bario. FAVI no ta solamente hasi demonstracion cu adulto, pero tambe cu miembronan di FAVI entre e edad di 4 te cu 16 aña.

Di chiquito nos ta cuminsa siña nos muchanan kon ta uza e garoti den trafico. Na aña 2017 pa prome biaha den historia a adapta e verkeer examen pa muchanan di FAVI cu ta den basis school. Esaki ta stapnan grandi pa inclusion. Durante aña maestranan ambulante di FAVI durante nan informacion na diferente scol ta toka e tema di e garoti blanco. Nos di FAVI di e manera aki ta educa nos muchanan pa nan por ta conciente. Nos mester menciona cu nos muchanan ta atento y mayoria vez ta e portavoz importante na nan mayornan. Tur cos cu nan siña na scol nan ta informa na kas.

E intencion di e garoti di guia ta pa e cliente por orienta y tambe mobilisa independientemente.  Riba e mainta di practica y demostracion, nos cliente ta hasi esaki bou supervision di boluntarionan y trahadornan di FAVI . Mas cu claro e ta rekiri hopi atencion di un cliente pa e por hasi esaki. Pasobra e tin cu uza tur su sentidonan. Ta importante pa laga e cliente experencia e crusada di caminda independientemente.

Ora e cliente kier crusa caminda elo hisa su garoti blanco na halto, pa duna e señal na e automobilista pa para. E lo warda riba e señal di e automobilista pa asina e crusa cu trankilidad.

Pesey automobilista, si bo mira nos kier crusa corda zona e pitro suave y si por bisa nos crusa numa!.