Home Local Tropical Bottling ta presenta FEDEVETA cu Copa di Reino den luna di...

Tropical Bottling ta presenta FEDEVETA cu Copa di Reino den luna di december

SHARE

Oranjestad, Aruba — Dianan 6, 7 y 8 di december, FEDEVETA lo bin cu un Copa di Reino, patrocina pa Tropical Bottling y esey ta envolvi Campeon di Corsou, Campeon di Boneiro, Campeon di Aruba y como Aruba ta e pais organisador, tambe por pone un di dos ekipo pa haci’e cuater ekipo y haci e afwerking di e torneo mas facil.
Y como patrocinador principal Tropical Bottling, ta hopi contento di ta forma parti di e evento di futbol 35+ cu lo ta na december, segun Richard Giel, agregando cu nan lo para all the way cu nan.
Roy Helder di Independiente Caravel y alabes vocero di FEDEVETA, a comenta cu nan tabata tin un combersacion bastante fructifero y habri cu e presidente di AVB, Richard Dijkhoff y tentativamente e compleho na Jara lo ta sede di e Copa Paisnan di Reino.

Federacion 35+ di Corsou
Orlando Mercelina, presidente di FFDK, cual ta e federacion 35+ di futbol, tambe lo bay tey na Aruba. Nan mes a bay un miya extra y como e entidad di 35+. Hopi biaha hende ta pensa cu 35+ bo ta representa e futuro lidernan y no ta simplemente bala bo ta hunga. E meta su tras di locual cu nan tin, ta pa contribui cu e parti ey y ademas, asumi nan rol como futuro lidernan y yuda den e parti di desaroyo di futbol, den e caso aki, entre e islanan.

Clinica pa mucha y hobennan
No solamente bo ta mira e competencia, pero bo ta mira e desaroyo. Logicamente bo tin cu traha cu e futuro, cual ta e muchanan. Na momento cu Mercelina a tende cu Aruba tambe tin un proyecto, cu nan ta asina leu, el a sinti cu nan ta kedando atras. Den e caso aki no solamente ta drecha e tereno cu e muchanan ta cana den dje, caminda cu realmente a contribui cu e desaroyo di e pais.

Sin fanatico no tin nada
Logicamente, sin fanatico, no tin nada. Si e fanaticonan tambe ta compronde ki importante nan ta pa e desaroyo, e ora lo tin un stadion blo bashi. Si e fanaticonan bin, e ekiponan ta haya mas forsa, e muchanan ta haya mas interes y na momento cu nan mira e oportunidad cu nan tin, lo ta bon. Ta e oportunidad no tin tin biaha, aunke cu tin hopi mucha talentoso. Y pa esey, lo bay tin un clinica specialmente pa e muchanan, den luna di april. Pero e informacion eynan lo keda publica den un otro oportunidad.

No perde e oportunidad aki di presencia Copa di Reino entre e islanan ABC, cu lo bay tuma luga dianan 6, 7 y 8 di december.