Home Uncategorized Chauffeur seriamente herida: Polisnan a topa cu Skyline cu a perde control...

Chauffeur seriamente herida: Polisnan a topa cu Skyline cu a perde control y dal contra palo di luz

SHARE

Paradera – Diaranson marduga den careda di 3:45 polisnan a topa cu un accidente cu lo a caba di sosode nan dilanti.

Esaki tawata area di Great Rich Bar Restaurant.

E auto envolvi tawata un Nissan Skyline color preto.

Parse cu e durante oranan di marduga e Nissan Skyline tawata drift/fever poco mas pariba di rotonde di Paradera.

Polisnan mesora a baha pa mira situacion di e victima y asina ta bati alarma grandi pa manda tanto ambulance como Materiaalwagen, debi cu e chauffeur di pega den auto.

Loke a sosode tawata cu e chauffeur a perde control durante e drift/fever y a pega dal contra un palo di luz.

Na yegada di Materiaalwagen mesora bomberonan a cumina traha rapidamente pa libera e chauffeur. Na e sitio por a mira a preocupacion ariba cara di Paramediconan.

Den e impacto fuerte pia di e chauffeur a kega pega bou of den e dashboard.

Na final ora a logra libera e victima di e situacion penoso Paramediconan a sali cu urgencia direccion Hospital cune.