Home » Segun Melvin Tromp di AVP Un aña pasa a pidi Rocco Tjong pa claridad den sentencia di Corte Ainda e no por duna cuenta

Segun Melvin Tromp di AVP Un aña pasa a pidi Rocco Tjong pa claridad den sentencia di Corte Ainda e no por duna cuenta

by Admin
0 comment 83 views

 

 

Cu gran asombro miembro di partido AVP, sr Melvin Tromp, a tuma nota di declaracionnan haci pa lider di fraccion di MEP den Parlamento, Rocco Tjong, riba e investigacion di caso Avestrus, cual caso ta tumando luga riba peticion di Rocco Tjong y Endy Croes.

“E dos parlamentarionan aki na luna di februari di 2018 a entrega un  peticion na Ministerio Publico pa haci un investigacion relaciona cu otorgamento di terenonan di gobierno y awor ta bin dilanti pa haci como si fuera nan no tin arte ni parte den e proceso aki.

Na prome luga ta bon pa mi mustra cu e dos personanan aki, tur dos tabatin decisionnan di Corte contra nan persona,, uno pa malversacion di fondonan di Fundacion Lotto pa Deporta, caminda Endy Croes a ricibi su retiro for di e puesto di Director di e fundacion aki.

Rocco Tjon tambe tin un  pasado scur caminda su propio yiu muhe a haya problema cu su persona y caminda mi persona a haci un peticio un aña pasa, pa como miembro di Parlamento, e publica e decision di Corte den e caso den cual su  yiu muhe ta envolvi.

E luna aki ta cumpli un aña pero ainda Rocco no tin e curashi pa bin dilanti y splica pueblo kico a pasa den e caso aki y di con el a haya un decision di Corte contra di su persona caminda hasta e no tin mag di tin contacto mas cu su yiu.

Ora cu scucha Rocco ta haci invitacion na un miembro di fraccion di AVP pa un debate riba e caso aki, lo tabata na su luga pa e haci un peticion pa un debate di su propio miembronan di fraccion di MEP, caminda entre otro tin uno cu recientemente a wordo huramenta como miembro di parlamento, pero a maltrata su propio yiu muhe den diferencia di opinion cual caso ta bon conoci riba Facebook.

No solamente esey pero Rocco Tjong por pidi un debate cu Prome Minister y lider di su partido MEP, Evelyn Wever Croes, pa papia di con su persona y tur miembro di e fraccionnan cu ta sostene gobierno, ta wordo manipula y ridiculisa di e forma con gobierno ta haciendo esaki.

Un ley di LAFT cu awor pa colmo Rocco Tjon cu a traha e amienda pa cambio di e ley aki caminda CFT no mester duna cuenta mas na Conseho di Minister di Reino pero na Parlamento,  Rocc tin cu bay scheur y benta afo ya cu Hulanda ta exigi pa e ley original wordo aproba manera cu e tabata inicialmente.

Un humiyacion di prome orden y caminda ta mustra caba e falta di caracter y falta di principio di un lider di fraccion cu  ta tolera e wordo trata die forma aki, pa despues bin hunga interesante cu cosnan politico cu nan mes ta fabrica of kier mira sosode.

Gabinete Wever Croes constantemente ta fayando cu CFT y cu Hulanda cu palabracionnan haci ya pa dos aña caba pero ningun momento por a mira lider di fraccion di MEP, pidi un debate den parlamento pa atende cu e situacion aki cu ta perhudicando henter e pais.

Awor manera un set di marionetanan sin escrupulo, ta sinta mira con un minister kier bulldoze un cambio di ley di Serlimar pa asina complace c’un amigo di partido di e minister cu na mes momento ta pone na peliger centenares di trabou di tata y mama di famianan aki na Aruba.

Pueblo ya no ta conta pa gabinete Wever Croes y esunnan cu ta representantenan di pueblo den Parlamento, tampoco pa sirbi interes di pueblo pero claramente ta interes di e minister ta bin na prome luga.

Awor kier hunga interesante, ta pidi un debate riba un asunto cu e mes a promove y kier a mira mientras cu tin asina hopi cos pasando den e propio seno di partido, cu sigur no ta nada bon of aceptabel pa pueblo,” Melvin Tromp di AVP a trece dilanti.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio