Auto a dal bicicleta ariba rotonde di F.T.A na San Nicolas

Rotonde F.T.A Bernhardstraat – Diamars mainta den careda di 10:30 polis y ambulance a bay Rotonde di F.T.A situa na San Nicolas, unda un auto a dal un ciclista.

Na yegada di e Mobile Unit di Ambulance a constata cu e ciclista ta ariba pia y cu ta solamente algun rasca ela haya. Asina mes ya Ambulance tawata na caminda.

Ariba e rotonde tawata tin un Hyundai Tucson color cora para, e chauffeur tawata un señora.

E accidente a sosode ariba e rotonde momento cu e bicicleta a crusa dilanti e vehiculo, causando cu esaki a dal e.

Ambulance despues di algun rato a yega pa sigui trata e ciclista cu a cana subi e ambulance.

Chauffeur di e Tucson mester a keda warda ariba Polis di Trafico.