Home » Parlamentario Michael Lampe: semper dispuesto pa contribui Datapanik a forma parti di concierto na beneficio di Bahamas

Parlamentario Michael Lampe: semper dispuesto pa contribui Datapanik a forma parti di concierto na beneficio di Bahamas

by Admin
0 comment 59 views

Diadomingo atardi a tuma luga e concierto “Revive, Restore, Rebuild the Bahamas” na Paseo Herencia pa asina yuda colecta donacion pa nos isla ruman di Bahamas. Pa cu e ocacion aki parlamentario Michael Lampe ta conta cu maske Datapanik tin algun tempo di no ta activo pero pa un causa noble asina aki ta mas cu na su luga pa brinda sosten y pone nan mes disponibel pa forma parti di e concierto.

Como comunidad tin cu yega hunto p’asina yuda na momento cu mas mester di nos. Diferente artista, gruponan musical y tur cu di un of otro manera a forma parti di e concierto aki, a haci’e sigur di curason pa asina logra donacion necesario pa yuda Bahamas reconstrui nan Isla.

Datapanik no a duda, a acepta di biaha, a uni na tur e otronan y mesora a cera e banda bek p’asina duna e miho di nan mes durante nan presentacion na Paseo Herencia. Artistanan manera entre otro Ataniro cu a lanta e publico na inicio p’asina pone un bon vibe y for di eynan e otronan tambe a tene e concierto riba un ambiente di hermandad, solidaridad y positivismo pa yuda mas cu por esnan di Bahamas cu ta pasando den un tempo hopi dificil y como isla di Aruba lo sa di brinda e yudansa p’asina nan lanta bek riba pia mas pronto posibel.

Aplauso grandi a bay na tur cu a sostene e yamada y cu tabata t’ey presente pa brinda nan sosten como artistanan invita, boluntario y organisadonan. Di su banda Michael Lampe ta sumamente contento di a forma parti di e evento mirando su vinculo estrecho cu e tin actualmente cu Universidad di Bahamas pa cu proyectonan musical/cultural. Deseando nan forsa, pa nan por reconstrui cu e aporte di nos isla tambe.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio