Home Police Dos persona herida den accidente fuerte altura di Marriott

Dos persona herida den accidente fuerte altura di Marriott

SHARE

L.G.SMITH BLVD – Dialuna merdia pa mas o menos 1:10 polis a bay altura di Marriott, unda tres auto lo a dal tras di otro.

Na yegada di polis nan a wordo notifica cu e den e Yaris cual ta e auto memey tin un boter di gas chikito, y debi na e impacto fuerte esaki a cuminsa lek.

Ambulance a wordo pidi na e sitio pa trata e heridonan.

Chauffeur die Yaris mesora a wordo saca di e auto pa motibo di e lek di gas.

Loke a sosode

Segun chauffeur di e Ford Van, elo a baha velocidad pa un Hyundai H1 Van cu a baha caminda su dilanti.

Patras di e Ford Van tawata tin Yaris y patras di e Yaris un Mitsubishi Lancer biniendo cu e velocidad halto.

Chauffeur di e Mitsubishi no a regula su velocidad y ta dal e Yaris hopi duro mande lage pega contra e Ford Van.

E Yaris a haya hopi daño material tanto dilanti y patras.

Paramediconan a atende mester a atende dos herido, esta esun di e Yaris y e Mitsubishi Lancer.

Parse cu e chauffeur di e Yaris durante cu e boter a lek lo por a inhala un poco di e gas tambe.

Pa loke ta e ocupante di e Lancer e lo no kier a coopera cu Paramediconan, door cu ela bira histerico y mester a wordo hiba den auto particulier for di e sitio.

Tanto e Yaris y e Lancer a sufri hopi daño material.