Home » Un hoben di 15 aña a muri protegiendo su ruman muher chikito di 5 aña

Un hoben di 15 aña a muri protegiendo su ruman muher chikito di 5 aña

by Admin
0 comment 70 views

Un mucha muher di 5 aña ta yora su ruman homber grandi kende a muri pa protege .

Khyler Edman (15) na mes momento a bira un heroe y un victima fatal, despues di a lucha mano a mano cu un ladron arma pa protega su ruman muher chikito di 5 aña.

Port Charlotte Florida: Port Charlotte ta un pueblo di mas o menos 55 mil habitante, e pueblo chikito aki a keda conmovi di loke recientemente a sosode.

E dos rumannan tabata nan so na cas, na momento cu un ladron a drenta den nan cas, e ruman homber a bay defende su ruman muher chikito, ela lucha cu e ladron, ela herida e ladron, pero e tambe a keda seriamente herida y a fayece.

Polis ta descubri curpa di Khyler
Ora polis a yega na e cas nan a topa cu e porta habri, pero e tabata mustra forsa. Den e cas nan a topa cu un mucha muher di 5 aña, e no tabata herida, pero tabata den shock. Loke tabata mas tristo tabata ora cu e agentenan a descubri e curpa sin bida di e ruman homber di 15 aña. E ruman homber durante cu e tabata batayando cu e ladron ela keda seriamente herida y a fayece tratando na salba bida di su ruman muher chikito.

Khyler lo wordo recorda como un heroe
Pa e pueblo di Port Charlotte, pa e coleganan di scol, famia, amigonan di Khyler Edman, “Khyler lo wordo semper recorda como un heroe di berdad”.

Mama di Khyler a post riba su facebook cu ela perde un pida di su curason pa semper, riba e Gofundme, e mama a skirbi cu su yiu tabata tin un bida largo su dilanti cu a wordo ranca demasiado lihe.

 

Cristal Stone, kende ta e abogado di famia, a bisa cu e circunstancianan rond di morto di e teenager aki ta revela su caracter di berdad, cu ” No tin un hereo cu por yega na nivel di Khyler” e tabata stima su famia.

E ladron a wordo gara 
Dia di e incidente tristo aki y despues cu Khyler a perde su bida, pa mas o menos 4’or y mey di atardi. Polis di Port Charlotte a ricibi varios yamada riba 911, bisando cu nan ta mirando un homber blanco, herida, e tabata tin lesionnan di arma blanco y e tabata actua na un forma hopi straño.

Mesora polis a bay na e sitio unda e personanan lo a mira e homber blanco aki, y enberdad nan a mira un homber canando den e zona residencial aki. E homber tabata herida y a logra huy pa polis, ela bay sconde patras di un cas.

Residente di e cas a mira e homber aki patras di su cas, ela conta cu e homber no tabata mustra mucho bon, e tabata wanta su brasa drechi cu tabata papa cu sanger y tabata core sanger tambe. Ela sigui conta, cu e homber tabata na rudia tratando di bisti un boxing glove pero un di size di mucha, cu muy probablemente elo por a coy for di e cas di famia Edman.

E residente a grita e homber y a puntre kiko e ta haci den su cura y cu e ta bay yama polis. E homber a pidi’e pa por fabor no yama polis. Un 15 minuut despues polis a yega y a detene e homber herida aki, ela wordo transporta pa hospital pa trata su heridanan. Na prome instante autoridad di Port Charlotte a describi e heridanan di e homber como hincanan profundo, pero no kier a duna informacion di e origen di e hincanan aki.

E agresor a keda identifica
Mas despues e homber aki a wordo identifica como Ryan Clayton Cole di 27 aña. Despues cu ela keda deteni, polis a bay na e cas unda nan a topa cu e mucha di 5 aña y e curpa sin bida di su ruman pa haci mas investigacion. Polis ta sospecha cu entre Cole y e heroe Khyler tabata tin un confrontacion, pero no kier a duna mucho informacion di esaki.

Cole a keda deteni mesora y sin fianza pa motibo cu ela viola su libertad condicional cu e tabata gosando di dje e momento ey. Cole tabata tin varios antecendente di abuso di droga y ela wordo deteni mas cu 20 biaha, segun registro policial di Port Charlotte,

GoFundMe
E famia di Khyler a habri un cuenta riba e plataforma di GoFundMe pa cubri e gastonan di entiero di Khyler. Na e momentonan aki a recuada mas cu 84 mil dollar. Ademas su compañeronan di scol a laga traha stickers y nan ta bendiendo esaki pa yuda e famia verhuis pa un cas nobo.

Khyler semper lo wordo recorda como “un heroe hoben cu a muri pa defende su famia”

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio