Polis a detene chauffeur burachi cu a ocasiona daño na otro auto, ora di parkeer

Bubali – Diadomingo merdia algo prome cu 3’or polis a bay na e parkeer plaats dilanti e E Boco Bar Restaurant.

Eynan polis a topa cu un Kia Optima color blanco y un Toyota Corolla, e Corolla no tawata staciona den su vak manera mester ta.

Chauffeur di e Kia a conta polis cu e ta sinta den su auto y diripiente e Toyota Corolla a bay parkeer pero no ta haci esaki bon y ta dal e Kia Optima.

Polis a bay atende cu chauffeur di e Toyota y a mesora a constata cu e ta bou di influencia. Na e sitio nos a compronde cu ela bisa polis cu e ta bebiendo for di oranan mas trempan.

Polisnan a puntre pa rijbewijs elo no tawata tin esaki cune of lo no ta dispone di uno.

A pidi Transportwagen pa a hibe warda di Shaba.

Forensys tambe a wordo avisa.