Oranjestad, Aruba – Recientemente Fundacion Parke Nacional Aruba (FPNA) a organisa un tremendo actividad di teambuilding pa su empleadonan den Hofi Shon Shoco.
E team di FPNA ta den e proceso di profesionalisacion di e organisacion. Pa mas cu 15 aña e team di FPNA ta encarga cu e maneho di conservacion di Parke Arikok y recientemente Spaans Lagoen. Un parti importante di e proceso di profecionalisacion ta pa empleadonan di FPNA tin un colaboracion fuerte pa asina hunto por logra metanan di e organisacion. Pa e motibo aki e comision di actividad tabata encarga pa organisa un actividad di team building pa e empleadonan di FPNA.
E actividad aki a tuma lugar den Hofi Shon Shoco caminda e empleadonan a pasa un rato ameno unda cu nan a disfruta di un dushi plato y algo pa refresca. E actividad tabata incera tambe un hersengymnastiek unda grupo di e departamentonan a competi contra otro pa saca e gran ganador di e actividad. FPNA lo sigui inverti den su empleadonan cu diferente cursonan cu lo cuminsa pronto pa asina hisa e nivel di profesionalismo den e organisacion.