Home » Tema simposio ta “Conguering the challenges of acute & chronic wounds” Hospital pa di 5 bes cu “Island Wound Care Symposium”

Tema simposio ta “Conguering the challenges of acute & chronic wounds” Hospital pa di 5 bes cu “Island Wound Care Symposium”

by Admin
0 comment 59 views

 

 

ORANJESTAD, Aruba –E aña aki ta tuma luga e di 5 edicion di “Island Wound Care Symposium” organisa pa dr. Horacio E. Oduber Hospital. Un biaha mas lo conta cu diferente orador, tanto internacional como local. E simposio ta tuma luga riba dianan 31 di october, 1 y 2 di november proximo na Renaissance Convention Center. E lo ta pa tur esunnan cu kier sa mas di tratamento di herida simpel y complica, pues profesionalnan den cuido di pashent, asina dr. Yuri Casseres a duna di conoce. 

 

E simposio lo start riba 31 di october cu un asina yama “hands-on workshops” cu enfoke riba cuido di herida di pia diabetico y mucho mas. Riba 1 y 2 di di november ta habri e simposio lectornan local y internacional cu lo bay enfoca riba pia diabetico y cuido general di herida. 

 

Na Aruba e enfermedad diabetico ta un problema hopi grandi. E porcentahe di pashentnan diabetico ta mas halto cu e promedio mundial. Normalmente e porcentahe ta di 8%, pero aki e procentahe ta 15% di pashent diabetico. Un di cada cuater pashent  diabetico lo haya un herida na pia durante nan bida. Esey ta bin pa motibo cu no tin gevoel mas di e pia. Consecuentemente pashentnan ta cana cu sapato mucho preta of nan ta trapa riba un clabo sin cu nan ta sinti’e y ta haya un herida. 

 

Pues ta urgi tur profesionalnan den cuido pa nos perde e momento importante aki pa enrikece nan conocemento tocante cuido di herida. 

Pa mas informacion por subi www.arubahospital.com y klik riba e banner di e congreso. Eynan por inscribi di biaha si ta desea di atende e simposio. Door cu ta trece oradornan di afo, tin un costo pa participa y tur informacion por haya riba e website. Tambe e simposio ta acredita pa specialistanan, dokternan di cas, pero tambe p’e nursenan cu atende lo ricibi un acreditacion di cierto cantidad di punto.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio