Palm Beach: Diaranson durante henter dia autoridad local tabata haciendo entrada hudicial na diferente adres rond di nos isla, den oranan di atardi nan a haci un inval na cas di e commerciante fam Neme, despues cu nan a caba na e cas, e team consistiendo di RST, K9, Landsrecherche, KPA y Ministerio Publico a sigui pa e oficina di e comerciante di fam Neme kendenan lo ta propietario di e conocido mall ‘The Village’.
Autoridad a drenta na e oficina di Neme na The Village y despues di un rato a sali cu basta caha, nan lo a confisca basta material for di e oficina aki.
E Entrada Hudicialnan aki ta pertenece na e caso Avestrus, cu tin di haber aparentemente cu irregularidadnan cu otorgamento di terenonan. E investigacionnan ta andando y no ta descarta cu lo sigui cu mas entrada hudicial of detencion.
