Calbas/Kudawecha – Diadomingo anochi pa mas o menos 10’or patruya di Noord a efectua dos detencion.

Durante patruya na altura di e skol na Kudawecha nan a spot un auto color cora. Ora cu e auto lo a ripara cu ta polis ela trata di move lihe.

Polisnan cu no a confia e situacion a bay su tras. E auto cora a bay staciona dilanti un cas pariba di e supermercado eybanda.

Agentenan a acerca e auto, unda a topa cu pareha stranhero.

Lamentablemente ora polis a puntranan pa nan documentonan niun no por a mustra esaki.

A splicanan ariba nan derecho y a bay over na detene e pareha.

Transportwagen a ser pidi pa hibanan warda, unda despues lo pasanan over pa Guarda Nos Costa. Eynan lo sigui cu e control di nan papelnan, esey ta si nan tin.