Home » Fiskal I gezaghebber Rijna; Representashon-i-outoridat Hulandes ta kontinua violando derechonan humano I abusa di James Finies I Nos Ke Boneiru Bek

Fiskal I gezaghebber Rijna; Representashon-i-outoridat Hulandes ta kontinua violando derechonan humano I abusa di James Finies I Nos Ke Boneiru Bek

by Admin
0 comment 61 views

E abuso ta koninua despues di e aresto illegal riba 6 september 2019 di James Finies, aktivista di derechonan humano presidente di NKBB. Polis, representashon-Hulandes-gezaghebber Rijna, fiskal I outoridatnan Hulandes abuzando di nan podernan des-proporshonal I eksesivamente ta saliendo na kla di ta un venganza personal kontra James Finies I NKBB

Un siman despues di ser aresta illegalmente I despues laga den libertad despues di 5 ora dor di fiskal-ousiliar Sr. Anthony pasobra no por a hanja ni presenta niun kargo kontra James Finies. Riba 19 september 2019 ultimo e deurwaarder di polis a konvoka James Finies pa aparese dilante di fiskal en relashon ku e kaso komo sospechoso di no kumpli intenshonalmente ku orden di polis I di a resisti aresto.

Polis I representante-hulandes-gezaghebber Rijna immediatamente despues di e insidente falsamente a informa medionan di prensa ku James Finies a wordu detene pa no sigui ordu di polis pa bai e luga indika ta informashon faslu I kontrario na nan mes karta-di-permit emiti pa mesun gezaghebber Rijna mes I ku nan nunka a divulga na prensa. Ami James Finies I NKBB ta deklara ku nos ta blanko di persigushon, deskriminashon, profilashon komo non-grata, abusa I a wordu depriva di libertat sin ningun rason legal I violando ley internashonal ku ta proteha derechonan humano di Nashonan Uni artikulo 19 “libertat di opinion I ekspreshon” I artikulo 11 “libertat reuni I asosiashon pasifiko” i ku e akshon abusivo polisial aki no tabata adekua I des-proporshonal I illegal pa atende ku e situashon konserni.

Pa ilustra ku nos pesonalmente I NKBB ta wordu persigui tuma nota ku riba diabiernes ultimo 20 september 2019 un protesta-demonstrashon publiko a wordu organisa pa un grupo di suidadonan di Rinkon ku ta mal-kontentu ku e situashon I kual nan a anunsia ku nan no lo notifika ni pidi permit pa protesta I demonstra na outoridatnan. E manifestashon I protesta aki a wordu tene riba luga publiko ku un gran kantidat den kareda di 70 di manifestantenan. E pregunta ta dikon polis no-unifroma I uniforma I/o representashon-Hulandes-gezaghebber Rijna I outoridatnan Hulandes no a interveni I para e protesta I manifestashon aki ku no a sigui ley pasobra nan no a notifika, no a pidi ni hanja permit pa protesta I manifesta manera ta alegando ku tabata e kaso di abuso di poder ku e aresto illegal di James Finies di NKBB?

Un keho-raport di denunsia di violashon di nos derechonan humano dor di estado Hulandes a wordu hasi na Konseho di Derechonan Humano di Nashonan Uni I tambe na Komsihon di Derechonan Humano Inter-Amerikano di OAS.
Nos ta roga e pueblo Boneriano pa uni ku nos I kondena e akto illegal I inhustu aki pasobra e lo depriva nos I nos futuro generashonan di nos derechonan humano.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio