Home » Testigo principal di Mocro Mafia Nabil B. tin abogado nobo, despues cu a likida siman pasa abogado Derk Wiersum

Testigo principal di Mocro Mafia Nabil B. tin abogado nobo, despues cu a likida siman pasa abogado Derk Wiersum

by Admin
0 comment 59 views

Amsterdam – E Kroongetuige(Testigo Principal) di Mocro Mafia Nabil B. tin un abogado nobo, despues cu siman pasa nan a likida su Abogado Derk Wiersum dilanti su cas. Asina Ordo di Abogado di Amsterdam a informa.

Manera a wordo informa caba Derk Wiersum cu tawata representa Nabil B. a wordo tira mata dilanti su cas siman pasa na Buitenveldert Amsterdam.

E Hitman a usa un pistool pa tira Wiersum y tawata bisti cu un Hoodie color preto. Mucho pista di kende e persona cu a tira e Abogado polisnan no tin of no kier divulga mucho. Loke si sa cu e persona por ta den su 20 pa 25 aña, pues un persona basta jong.

E likidacion di Wiersum posiblemente tin di haci cu e declaracionnan haci door di Nabil B, relaciona cu varios caso di likidacion of intento di likidacion di e Mocro Mafia. Loke ta haci e caso aki mas intenso ta cu B a menciona nombernan di esnan cu a duna ordo pa comete e likidacionnan.

E dos sospechosonan principal den e casonan aki ta Ridouan T. y Saïd R.  Ambos ta ariba lista international di Interpol, pero te ainda no tin niun pista di nan.

Identidad di e Abogado nobo di Nabil B Ordo di Abogado di Amsterdam no a divulga su nomber, mas sigur pa su propio siguridad.

Tur esnan envolvi den e caso aki manera Officiernan di Husticia y tambe Hueznan ta bou vigilancia estricto 24/7 di polis, despues di e asesinato di Abogado Derk Wiersum.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio