Patras di Alto Vista – Diabierna algo prome cu 11’or di mainta informacion a drenta cu un biaha mas tin accidente di UTV. Esaki a sosode mas o menos 1 Kilometer prome cu yega e Kapel di Alto Vista.
Na yegada di tanto patruyanan di Noord y tambe trafico, nan a pidi mesora pa un Ambulance.
Esaki tawata debi cu e persona herida cu ta un turista tawata keha di hopi dolor na lomba, y casi ni por a move.
Loke a sosode segun nos a compronde, cu pa un of otro motibo e turista aki cu ta un pasahero di e UTV a sali bay cay. E UTV lo a bay di banda y esaki a causa cu e turista a sali bay cay.
Probablemente e turista lo no tawata tin su seatbelt bisti.
Dos ambulance a presenta pa stabilisa e turista y despues poco poco sali di e parti Noord Kust di Aruba direccion Hospital.
E vehiculo mes no a haya mucho daño.