L.G.Smith Boulevard – Dialuna merdia polis a bay dilanti Royal Plaza Mall, pa un boksmento entre dos brommer.
Na yegada di polis di trafico ela bin topa cu un di e brommernan benta un banda.
Informacion haya na e sitio a indica cu e otro brommer un Harley Davidson a para pa laga turistanan crusa caya.
Mientras cu e tawata para e otro brommer a yega dal su tras y cay.
Aki ta unda e motoclista cu a cay y alabes esun cu a ocasiona e boksmento kier a busca problema, pues elo kier a bringa.
Despues posiblemente di a scucha cu polis ta na caminda ela core bay di e sitio, lagando su brommer atras.
No ta conoci pakiko e motociclista a core bay di e sitio. Posiblemente e brommer lo por ta horta of lo ta trata di un persona indocumenta.
En todo caso e brommer a wordo confisca.