Homber a keda deteni, pa motibo di tabata core auto bou influencia y ocasiona un boksmento

Driemasterstraat, Oranjestad: Dialuna algo prome cu 7’or di anochi ta sosode un boksmento pabou di Dion Center, riba e caminda di Driemasterstraat. E boksmento a sosode entre un Kia Rio y un Kia Flatbed truck blanco.

Ambos auto tabata  riba e caminda di Driemastestraat y e Kia Rio color preto a bay bira links net na e momento ey e Flatbed Truck a pasa e Kia Rio na su banda links y e Kia Rio a dal contra e truck.

No tabata tin hopi daño material, e chauffeur di e Kia Flatbed truck tabata bou influencia, ela keda mesora deteni y transporta pa warda di polis. E KIA Flatbed Truck a wordo hiba cu takelwagen.