Home » E Historia di Djucu, skirbi pa Dufi Kock

E Historia di Djucu, skirbi pa Dufi Kock

by Admin
0 comment 179 views

Ken no ta corda e famoso djucunan cu antes nos tabata haya na e bocanan panort y pariba di Aruba, algun di nos hendenan tabata bisti’e pa suerte, mescos cu boonchi cora cu nos no ta haya mas canto di lama panort di Aruba.

Antes nos hendenan riba Diadomingo of riba un dia liber tabata gusta bay bishita e bocanan panort di Aruba, canando na oria di lama nan tabata haya boonchi cora of djucu. Hopi hende tabata laga un Joyero pasa un rand di oro rond di e djucu of nan ta laga pone nan signo of inicialnan di oro riba e djucu y esaki ta bira un joya hopi bunita cu nan ta bisti’e na un cadena of armband.


Tradicionnan cu a bay perdi, paso ya bo por bisa cu ni djucu y ni boonchi cora no ta wordo haya mas na e bocanan panort di Aruba. Boonchi cora bo ta haya si pero solamente den joyerianan, e famoso boonchi cora cu tur baby tabata bisti como un contra, pa mal wowo, manera nos bieunan tabata bisa pa e criatura no haya hoyada, otro palabra cu casi nos no ta scucha mas.

                         
Sra. Ras cu un baliña cu tres simia djucu aden

Ban aprecia loke nos historia, nos tradicionnan y nos custumbernan, cual hopi a of ta bayendo perdi.

NOS HISTORIA, E storia di Djucu skirbi pa Dufi Kock

A peticion, permitimi duna un splicacion di un mata raro cu a nace aki na Aruba na Anja 1966. Muy probabel cu e tabata e prome mata di djucu cu a nace na Aruba. Tabata Sr. Dominico Ras, di Mabon 13, Brazil, cu a planta un simia den cura di su cas.

Djucu no ta un mata di Aruba. E ta un mata chikito cu varios rama cu ta sali for di e stam, un solo troncon. E nomber di e djucu aki ta Caesalpina Ciliata for di e famia Papilionaceae, un mata di mondi, cu ta rama hopi y popular na Mexico, Caribe y America Central.

E mata ta pari e simia den forma di un balinja cu hopi sumpinja, cu dos simiya aden, esta e djucu. E ta cay abou y riu of awacero ta hibe den lama grandi, Bo por imagina cu un simia riba lama grandi, miles di miya for di tera, cu destiancion dependiendo di e biento y ola, te ora e yega na un continente distacia.

 

Aki na Aruba, ami mes ta corda, cu bo por a haya e simiya riba e beach na costa parti nort y pariba di nos isla.
Wel, Sr. Dominico Ras tambe a haya simia den luna di November 1966. Ela bin su cas y a dicidi di planta un simia.Siete luna despues, pa su sorpresa y di su famia, e mata a nace, bira gradi y pari simia grandi yen sumpinja.

                                     
Dominico Ras cu e mata su mata di Djucu

Ora e simia ta completamente seco, e ta haya un color bruin scur te geel oranje. Loke ta haci e mata aki mas notabel ta cu e simia por wordo lombra bunita y bira un adorno pa armband pa damas y tambe un coi garganta. Tambe joyerianan sa pone adorno di oro nomber of inicial di nomber como recuerdo di Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio