Mocromaffia dia pa dia terorisando Hulanda y su sistema hudicial y asina dañando nomber di Hulanda. Awo nan a yega asina leu di asesina abogado kende tabata representante di un testigo principal den un caso grandi di likidacion.
Derk Wiersum tabata abogado di Nabil B. kende mester a presenta den un caso grandi contra ee organisacion maffioso “Mocromaffia”, cual organisacion criminal cu hopi ta teme pa nan. Mocromaffia ta bou mando di conocido di husticia hulandes y fugitivo Ridouan Taghi (41,) kende actualmente ta e persona mas busca pa Husticia Hulandes, ta wordo sospecha cu elo ta scondi na un pais den Oost Europa.
Mocromaffia, ta un organisacion criminal y su miembronan mayoria parti ta Marocanonan y antiyanonan.
Amsterdam: E caso di tiramento fatal, a sosode Diaranson mainta den careda di 7’or y mey na cas di e abogado mes, su señora tabata testigo di e asesinato di Wiersum.
Segun vocero di polis, E persona cu a tira Wiersum, despues cu ela tira e abogado fatalmente, a bandona e sitio na pia, ta trata di un homber basta hoben, di entre 16 pa 20 aña. E tin un postura flaco y ta midi 1.75. E tabata bisti full na preto cu un sweater y cu un capuchon.
Polis ta pidi henter e comunidad na Hulanda pa yudanan haya e delicuente cu a comete e asesinato aki. Basta tip ta keda drenta, pero no a logra pone man ainda riba dje. Segun un bisiña e asesino a los tres tiro y tambe ela bisa cu na momento cu Wiersum a wordo tira su señora tabata para banda di dje, pero su señora afortunadamente no a ricibi niun tiro. Otro bisiña ta bisa cu ta tres tiro ela scucha.
E abogado Wiersum tabata tin suficiente Seguridad?
Segun fuentenan di Algemeen Dagblad, cu Wiersum den pasado a wordo menasa caba y a papia over di esaki cu su coleganan, pa seguridad pafo di corte. Inicialmente e no tabata desea niun clase di protecion, paso e kier por ta liber y tabata capas di core su bais den Amsterdam manera tur otro habitante ta haci. Ela haya diferente pista como abogado di un testigo asina importante, cu su bida tambe lo por ta core peliger. Den e caso aki a wordo papia cu e lo haya seguridad, pero te cu siman pasa esaki no tabata e caso. Polis tabata patruya mas cu normal den e area di Buitenveldert, na e parti zuid di Amsterdam, caminda Wiersum lo tabata biba.
E gang di Taghi a wordo poni responsabel pa tur e likidacionnan y intentonan di asesinato, den baho mundo. Taghi ta wordo considera e sospechoso principal di tur e casonan aki. Taghi Ridouan ta fugitivo, mescos cu su man drechi Saïd Razzouki y tin 14 sospechoso mas. Nan ta wordo culpa di diferente crimen, motibonan ta varia di revancha, pa traicion, rabia of debenan pendiente.