Dos identidad, tanto Cuerpo Policial y Guarda Nos Costa a actua sin tene cuenta cu nan tabata wordo filma door di diferente persona cu tabata e momento ey presente den e Departure hall di airport caminda e maltrato tabata tumando lugar.
Niun hende no ta para ariba ley, y nos ta spera cu esaki ta conta pa Polis y Guarda Nos Costa tambe. Un investigacion imparcial ta na su luga, pa wordo haci riba tur cu tabata presente durante e problema na Airport cu a escala y a caba den maltrato y batimento di hende.
Nos ta confia cu nos gobernantenan no ta acepta niun forma di maltrato y cu lo exigi inmediatamente pa cuminsa cu un investigacion di e sucedido aki.
Net un siman a pasa cu e cabayero Manuel Genao riba su Facebook personal a haci un cantidad di acusacionnan hopi serio contra Guarda Nos Costa, te cu e Hefe di Guarda Nos Costa a keda di entrega keho di Smaad en Laster, te riba e dia di awe no ta conoci si Sra. Trudy Hassel a entrega keho caba.
Awo un biaha Guarda Nos Costa hunto cu Cuerpo Policial ta den lus negativo.