Home » AUDIO: Un pasahero ta conta loke a sosode diabierna anochi na Airport, diasabra merdia nan lo a bandona nos isla riba un buelo AUA – LSP cu Albatros

AUDIO: Un pasahero ta conta loke a sosode diabierna anochi na Airport, diasabra merdia nan lo a bandona nos isla riba un buelo AUA – LSP cu Albatros

by Admin
0 comment 59 views

Reina Beatrix International Airport: Diabierna anochi pasaheronan damnifica pa desicionnan cu lo a wordo tuma na Venezuela den cual cu aparentemente no lo a duna e aerolinea permiso pa baha na Las Piedra y kier a cambi’e di ruta y mande Maiquetia, anto riba nan cuenta nan meste a mira con nan lo yega Punto Fijo. Esaki a causa un consternacion den e departure hall na Airport, entre e pasaheronan cu e aereolinea.

E Aereolinea a pidi asistencia di polis pa calma e pasaheronan, pero esaki a bay completamente for di man, entre e pasaheronan tabata tin como 4 pa 6 persona cu tabata ilegal na nos isla y mester a wordo deporta. Segun un persona cu tabata presente den e departure hall y a presencia loke tabata pasando a splicanos, cu personal di Guarda Nos Costa lo inicia cu e problemanan, aparentemente lo a forsa e deportadonan firma cu nan ta renuncia nan peticion di asilo politico, tambe a kibra nan papelnan di algun pasahero, cu lo mester a wordo deporta, esnan cu a ricibi mas golpi tabata e personanan cu a yega cu Guarda Nos Costa pa wordo deporta.

Polis na su turno tambe a usa forsa bruto pa calma e pasaheronan, varios pasahero a ricibi golpi.

Diasabra mainta e aereolinea a regla un buelo di Aruba pa Las Piedras pa asina hiba tur e pasaheronan di e dia prome Las Piedras. E buelo lo mester sali awe Diasabra pa 1’or y mey di merdia. Dunando asina na 80 venezolano e oportunidad directo di por regresa nan pais.
Ban spera cu hamas e incidente aki ripiti y cu e buelo aki no haya niun retraso tampoco y tambe cu tur pasahero por yega Las Piedras sin problema.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio