Oranjestad: Diabierna den oranan di merdia, e trahadornan di e companianan di De Veer cu ta: ATCO Aruba, ATCO Concrete Products, EcoTech, EcoGas, Tropical Bottling Company, Brouwerij Nacional Balashi, New York Laundry, The Movies Aruba y MetaCorp, tur a bay para dilanti parlamento pa demostra nan malcontento/preocupacion pa algun desicion cu Gobierno lo kier tuma y cu segun nan lo por tin consecuencia pa nan pan di cada dia.
Un grupo grandi di trahadornan a bay cu un carta, cual a wordo entrega na Presidente di Parlamento pa pidi e parlamentarionan cooperacion pa asina evita pa cierto leynan no pasa manera nan a wordo treci dilanti paso segun e trahadornan lo por tin consecuencia pa nan pan di cada dia.
E prome tabata e problema cu tin entre Serlimar cu Ecotech, un ley cu Minister Otmar Oduber lo kier pasa y cu lo lo hinca e compania EcoTech den problema serio, tur nan clientenan lo mester bay paga Serlimar sin ta usando servicio di Serlimar, esaki ta un forma
pa duna Serlimar e monopolio y e compania EcoTech lo por haya su mes cu problema di existencia.
Segun nan cu si Gobierno introduci e sugartax na e forma cu nan kier introducie actualmente, Tropical Bottling lo por haye den problemanan serio.
Tur nan preocupacionnan a wordo entrega den un carta na Presidente di Parlamento Mr. Ady Thijsen, kende sigur a tuma e carta aki hopi na serio, nan lo bay studia e casonan aki pa mira con lo por tuma un desicion den cual henter e pueblo lo por sali benificioso, paso na final di dia ta pueblo a pone nan eynan.