167
Tanki Leendert – Diaranson mainta trempan polis a wordo informa di un Nissan Sentra shinishi laga atras memey caminda na Tanki Leendert. Esaki tawata den area unda algun conoci di Husticia ta biba.
Prome cos cu agentenan ta haci den tipo di situacionnan asina ta controla e number di e vehiculo. A bin resulta cu esaki no tawata cuadra, y ariba dje e number tawata falsifica.
Polis a pidi pa Takelwagen y na su yegada mesora e supuesto doño a sali, tawata trata di un dama compaña pa un otro persona. Ela splica polis cu e auto a daña y cu ta dje e ta.
Agentenan na nan turno a splica e dama cu ta conoci tambe di polis cu e auto no tin nada na ordo.
Mientras cu no regla e documentonan, e auto lo keda den poder di polis.