Home Local Atraves di aporte na prome Conferencia WOW Aruba Bank ta sostene...

Atraves di aporte na prome Conferencia WOW Aruba Bank ta sostene hobennan profesional

SHARE

 

 

ORANJESTAD, Aruba –  Aruba a conoce su prome WOW Conference, Dare to Be! WOW ta un abreviacion pa Women empOwering Women, un organisacion non-profit cu ta consisti di un grupo di hende muhenan hoben profesional  di Aruba cu tin hopi pasion pa e crecemento tanto personal como profesional den nos comunidad.

 

E organisacion ta consisti di trinta y dos (32) miembro cu  ta promove actividadnan pa e hende muhenan por sinti nan mes bon y por sali for di nan “comfort zone”. Tambe ta enfoca hopi riba team building, y actividadnan voluntario.

 

E conferencia tabata bon atendi pa un variedad di persona recien gradua, profesionalnan hoben y esunnan cu ta desea di eleva nan carera. Oradornan internacional cu a resalta ta inclui Frances Rios y Maria Gabriela Mueller Mendoza, y e conocido Sharleen Tromp, Life Coach di Aruba. Como un organisacion cu ta consisti di cerca di 80% hende muher y tambe cu hopi den posicion di liderazgo e conferencia ta uno oportuno pa apoya. Nos ta orguyoso di por a yuda pa apoya e plataforma importante aki.