Sero Pita – Dialuna atardi polis di trafico y tambe di Santa Cruz a bay crusada di Sero Pita, pa un accidente di trafico.
Na yegada nan a topa cu Kia Picanto v-car y Hyunda Getz, ambos vehiculo cu basta daño material.
Den e V-car tawata tin turista. E v-car tawata biniendo di pariba for di Ayo, y no a para na e crusada. Pa su mala suerte e Hyundai Getz tawata biendo for di Tamarijn y ta dal Getz.
Den e impacto duro aki e v-car a spin y para bek casi cara pariba.
Un dama turista den e Picanto lo a haya un kap chikito y polis a pidi pa ambulance. Despues di un rato e no tawata desea asistencia medico mas, pero ya e ambulance tawata yegando.
Na yegada di e ambulance e agente a splicanan cu e persona no ta desea asistencia di un Paramedico.
Takelwagen mester a presenta na e sitio pa move e Kia Picanto, cu no por a move mas ariba su mesun forsa.