Nos Berdat a nase for di e nesesidat pa informashon riba situashon ku Bonaire en partikular pero tambe nos islanan ruman ta konfrontando aktualmente desde 10-10-10 kaminda tur isla a hanje konfronta ku un invashon di regla I ley I medida impone pa outoridat Hulandes for di Den Haag. Esaki a krea divishon entre nos pueblonan ku a desbalansa henter nos komunidat Antiano. I riba tur isla e divishon aki a resulta no solamente entre kontrikantenan politiko so pero a jega asta den sektor sosio-ekonomiko I te na nivel di famianan ku a wordu destrui.
Konsiderando ku te ahinda riba islanan ruman tin e pensamentu ku tur kos a bira miho na Bonaire I ku ta nos mes a skohe I ta nos mes falta , I ta meskos e otro islana ruman ta konfrontando ku “e berdat” di kada isla no a logra yega sufisente kla na e poblashon di nos islanan. I parse ku nos sosiedatnan tin falta di mas informashon konkretu di otro, kiko ta pasando o kiko ta preokupa suidadonan I lidernan di nos islanan ruman, NKBB a disidi di tuma e inisiativa I reto pa start ku e korant informativo aki.
E korant Nos Berdat, ku ta ensera prinsipalmente artikulonan riba e tema di nos relashon estatal ku Hulanda, nos derechonan, e proseso I trajektoria di re-listing na Nashonan Uni, tambe ta kubri kultura, deporte, kushina, notisia, I mas. Nos Berdat lo ta disponibel na varios establesimentu sea gratis o donation pa e prijs simboliko di $.1.= ku lo wordu dedika pa sigui yuda krea fondo pa kubri gastu di e investigashon pa Nashonan Uni pa e trajekto pa pone Bonaire bek riba lista di “protekshon”di Teritorionan-Sin-Propio-Gobernashon di Nashonan Uni.
Riba e insidente di dia di Bonaire , 6 september ultimo na Plaza Wilhelmina, NKBB lo bini den dianan benidero ku un rueda di prensa pasobra NKBB nos ta den e proseso di diskutiendo e kaso ku varios konseheronan legal internashonal.
James Finies, Nos Ke Boneiru Bek