Home Police Famia a bay den panico ora nan yiu a guli basta awa...

Famia a bay den panico ora nan yiu a guli basta awa den pool

SHARE

Moko – Diadomingo anochi algo prome cu 7’or polis y dos ambulance a sali direccion Parke Arawa, unda un criatura lo a guli hopi awa. Esnan presente tawata teme pa e criatura y mesora a bati alarma.

Esaki a pone cu autoridad a bay cu maximo urgencia pa e parke di awa.

Na yegada di Paramediconan a controla e criatura cu tawata na tino. Pues danki Dios cu e caso no tawata manera a ser bisa na cuminsamento, essta cu e criatura lo a hoga y no tawata reacciona.

Despues di algun evaluacion a sali cu e criatura hunto cu un mayor direccion Hospital.

Polis cu tambe tawata na e sitio a tuma tur datos di e caso.