Accidente cu hopi daño material ariba crusada di L.G.Smith Blvd cu Weststraat

L.G.Smith Boulevard – Diasabra marduga ariba e crusada pabou di Royal Plaza a sosode un accidente cu basta daño material.

E accidente a sosode momento cu un Ford SUV a subi e crusada pabou di mall sin duna preferencia.

Pa su mala suerte tawata biniendo for di pariba un Mitsubishi color scur.

Aki ta unda e Mitsubishi a basta duro contra e Ford SUV, mandando e auto ariba e piso kibrando varios pilar di cement ariba acera.

No tawata tin hende herida den e accidente aki.