Camacuri – Diahuebs mainta polis di trafico a na e salida di Aruba Bank situa na Camacuri, pa un accidente entre tres auto.
Na yegada di polis y tambe Forensys nan ta topa tres auto, un di nan completamente destrui parti patras.
Na e sitio nos a combersa cu un di e chauffeurnan.
Ela splica cu ela para pa duna un pick up chance pa drenta e Banco.
Un Van di un compania di Cleaning posiblemente no a pone atencion dilanti y ta dal e Hyundai i10 hopi duro patras, mandando e varios meter dilanti. Durante e impacto e Hyundai i10 a pasa rasca e pick up cu ela duna chance.
Un dama den e Hyundai i10 a sinti su nek un tiki, pero debi cu ambos esta e chauffeur y e ocupante tawata tin seatbelt bisti a minimalisa cu nan a sufri lesionnan serio.
Despues cu e agente di Trafico a tuma tur datos, nan a por a move e autonan for di caminda.
Doño di e Hyundai i10 a bisa cu ta cuatro luna pasa ela saca e auto for di Garage Central, takelwagen mester a presenta pa hibe di e sitio. E auto no ta sirbi mas.
