Parlamento tin prueba cu Richard Arends di AVP a gaña Gobernador durante proceso di screening pa el a bira minister na 2016. Esaki ta haci cu nunca mas e ta ministeriabel.
Kico a bay fout?
Desde november 2009 te cu november 2016 Richard Arends y su compania Horizon tabata traha pa ex Prome Minister Mike Eman y Mike de Meza fulltime, y mes momento fulltime pa Utilities y pa RdA. Cu e contractnan lucrativo aki, Richard Arends a bira miyonario na edad jong.
Na november 2016 el a firma su contract miyonario di director di RdA, un compania estatal. Mesora el a firma tambe cu si un gobierno den futuro kier kit’e, mester paga Richard Arends un “golden handshake” di 2.6 miyon florin.
Dia 30 november e mester a retira como director di RdA pa bira minister, pero e no kier a perde e contract miyonario. Kico ela haci e ora?
Richard Arends a exigi pa no perde su contract y el a exigi un “verlof” cu ta pone su contracto keda valido mientras cu el a bira minister. Pa colmo ora el a baha como minister pa bay den oposicion na 2017, el a bolbe haya verlof di RdA cu su contracto ta keda valido mientras e ta den Parlamento.
Aki ta caminda cos a bay fout. Richard Arends mester a pasa un procedura di screening pa bira minister y den e procedura ey e mester a declara e contract laboral aki na RdA. Richard Arends a gaña Gobernador cu e no tabata tin ningun contract laboral. Siendo e tabata tin e contract aki cu RdA e tempo ey ainda.
Castigo pa gaña Gobernador: e no ta ministeriabel mas.
Pa e mentira grave y serio aki awor Richard Arends a bira no ministeriabel y su carera politico a caba aki mes. No ta keda Richard Arends nada otro cu entrega su retiro. Tene honor na su mes, si acaso e sa kico kiermen honor!
