Miembro di Fraccion di POR den Parlamento, Alan Howell a manda palabranan di pabien na e grupo grandi di polis cu a gradua siman pasa. Un grupo a gradua pa subi caya y e otro a ricibi nan diploma di MKO, cual ta un tremendo diploma cu ta dunanan e posiblidad pa despues di sigui sirbi comunidad algun aña mas, yega na remarke pa e diploma di KO y asina por aplica pa posicionnan manera onderinspecteur of onderinspecteur eerste klasse.
Den nomber di Fraccion di POR, Howell a felicita tur e polisnan cu a haci un tremendo trabou den nan studio y asina tambe haci nan famia orguyoso, cual tabata hopi bisto durante e ceremonia pa entrega di diploma. El a encurasha tur e polisnan pa ta bon polis, pa nan no cay den tentacionnan y sigui proteha e bon nomber di Cuerpo Policial di Aruba.
