Home » Aruba Bank ta contribui cu Centro di Bario Tanki Lender su Projecto Barak di Creatividad

Aruba Bank ta contribui cu Centro di Bario Tanki Lender su Projecto Barak di Creatividad

by Admin
0 comment 43 views

 

 

Oranjestad –  Aruba Bank a contribui na e projecto di Centro di Bario Tanki Lender “Barak di Creatividad”, nomber cu ta data for di añanan 50 ora cu Lago Oil & Transport Company a hai donacion di e prome “barak“ na e centro di bario . Diabierna durante di un soft launch ameno cu Directiva di Centro Di Bario Tanki Lender, representantenan di Aruba Bank y di Centro di Bario Tanki Lender,  Ray-anne Hernandez, a comparti un tiki di e historia di e “barak” y e funcionamento di esaki den futuro.

 

Nos a wordo introduci na e projecto durante di e programa di CEDE Aruba, Pitch Time, caminda cu Aruba Bank a scohe a presentacion di e grupo di hoben di Centro di Bario Tanki Lender. Segun Tamara Waldron-Marketing & PR Manager di Aruba Bank, e projecto ta cai den cuadro di Aruba Bank su pilarnan strategico, ‘We Care’ y ‘We Build’. E projecto ta encera donacion di “e-readers” y ayudo cu e “skina di lesamento” di e ‘Barak di Creatividad’ cu ta diseña pa yuda hobennan cu lesamento. Lesamento ta importante pa educacion y school pero ta un necesidad pa bida largo.

 

E localidad lo fungi como un centro multi-recreacional caminda cu hobennan por bin lesa, ricibi les di musica, actuacion, “public speaking”, teatro y otro actividadnan educativo. Bon Nochi Drumi Dushi tambe tawata presente y a keda sumamente complaci di mira e aporte significativo aki y ademas un extencion di nan projectonan pa mucha mas chikito. Nos ta desea e equipo di hobennan di e centro hopi exito como tambe na e directiva y mayornan activo cu ta yuda guia e projecto. Masha pabien y exito.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio