Diamars merdia den careda di 1:30 p.m polisnan a sali bay tras di Toyota Mark II, segun nos a compronde e chauffeur a nenga stopteken di autoridad.
Durante mainta pa oranan di merdia polis a tene un Control di Trafico na altura di Camacuri.
Durante oranan di merdia parse cu polis a duna e auto aki ordo pa para, y asina nan haci nan controlnan necesario.
Lamentablemente e chauffeur tawata tin otro plan, y probablemente lo medio slowdown y despues a move bay.
Esaki a causa cu e polisnan mesora a bay su tras, mucho leu e no a yega.
Poco pabou di e Spiraal Rotonde na Airport ela wordo deteni y poni ariba vloer.
A pidi pa Takelwagen y tambe Transportwagen.
Motibo cu ela cora pa polis tawata paso e no tin rijbewijs.
Manera nos a bin ta bisa, polisnan no ta tolera mas chauffeurnan sin rijbewijs ariba caminda.
