Home Entertainment Ultimo discurso di nos president di SMAC na entregamento di premio ayera...

Ultimo discurso di nos president di SMAC na entregamento di premio ayera nochi.

SHARE

Cu hopi placer awe nos ta entrega premio na tur nos carnavalistanan cu a resalta den carnaval65. Sin nan creatividad nos hendennan no por a gosa di un carnaval 65 impresionante
Den nomber di tur nos patrosinadornan nos ta gradici boso nan pa boso presencia di awe nochi.

Nos ta na antesala cu hopi noticianan interesante relaciona cu desaroyo di nos organisacion cu ta pasando den un etapa pa por haña un persona pa ocupa e presidencia di SMAC ,di cual lo trece cune miembronan nobo, motiva, inspira pa sigui cu e trabou cu nos directiva cu tabata na mi encargo pa 3 aña.
Mi tin tur confiansa cu e siguiente president lo sigui e trabou cu nos a bin ta haci pa e ultimo añanan.

Un trabou voluntario cu no tabata facil, nos mester a para duro bandi otro pa ehecuta e plan cu nos tabata tin y pensamentonan di tur esnan cu ta forma parti den un forma directo y inderecto di nos organisacion.

Carnaval ta ranca Sali oficialmente 11-11 y cu SMAC nos a mira un apertura di carnaval cu a bira grandi den un forma unico, un idea cu a inspira Kevin James cu nos pueblo carnavalesco a brasa.

Danki nan tur esnan cu a sostene e directiva aki, tur e voluntarionan, sponsernan, organisacionan tabata un honor di por a traha pa carnaval como president di SMAC, posicion cu semper lo tin un lugar bon warda den mi curazon.

Na e president nobo y miembronan nobo, hopi exito, hopi forsa, hopi pasenshi tolerancia , hende facilmente lo por critica pero pa haya voluntario pa yuda ta poco, pesey nos tin un aprecio na tur esnan cu a entrega na tempo, idea pa nos por celebra e manifestacion cultural di mas grandi riba nos isla cu ta Carnaval.

Manera Don Milo Croes a yega di bisa Carnaval di Aruba si ta Carnaval.
Biba Carnaval, Biba SMAC, Biba Aruba!

Shannon Henriquez
Presidente SMAC
2017-2018-2019