Trabounan di mantencion na Emmastraat

ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Emmastraat, cu diadumingo 1 di September 2019 for di 7’or  di mainta te 3’or di atardi, e caminda di Emmastraat#29 te Emmastraa #39 lo ta cera pa motibo cu departamento di Riolering lo mester pasa tubo bou di caminda (wegkruising).

Desviacion ta via Socotorolaan y Uruguaystraat.

En conexion cu e trabounan menciona Departamento di Obra Publico ta haci un peticion na tur automobilista pa no haci uzo di e camindanan menciona  y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.