Paramira: Diahuebs algo pasa di 3’or y mey di marduga, polis ta bay a un cas na Paramira caminda un homber lo ta rancando na porta di un cas, mesora a manda un patruya na e adres aki.
Na yegada e agentenan a bin topa cu un homber kende a resulta di ta ex pareha di un muher cu ta biba na e cas aki.
E homber tabata bou influencia, ela splica polis cu un rato pasa e tabata na Casa Casuela y ora ela bay pa subi su auto ela mira cu e choller glas di su auto tabata kibra. Mesora ela pensa cu ta su ex muher y e guy nobo di su ex, lo a comete e destruccion aki, pesey mes ela bay na e cas aki pa reclama nan.
Polis a ripara cu e pareha a caba di spierta for di soño Mirando cu e homber tabata burachi y tabata causando molester na e cas, polis a detene e homber y a hiba su auto na warda di polis di Oranjestad.