Durante continuacion di reunion publico den cual ministernan di actual Gabinete ta presenta un resumen di proyectonan y gastonan haci durante e prome mitad di 2019, parlamentario Alan Howell a gradici e mandatarionan pa e respuesta na su preguntanan.
Un di e puntonan mas importante presenta pa e parlamentario di POR ta cu e ta sumamente contento di por a scucha Prome Minister contesta cu ta haciendo todo por todo pa renoba hulpbestuurskantoor na San Nicolas. Howell a bisa cu habitantenan di pariba di brug ta conta cu esaki lo bira realidad y a recorda con strategicamente gobernacion anterior no a duna San Nicolas un MFA manera otro districtonan si a haya, pero awo e Gobierno actual si ta mira e importancia di duna pariba di brug e atencion debido. Pesey mes el a bisa cu ta keda en espera ansiosamente e dia cu por anuncia inicio di e renobacion y tambe e posibilidad di mehora e calidad di servicio, specificamente pa loke ta trata e parti di modernisacion tecnologico y digital.
Den mesun cuadro, Alan Howell a bisa cu ciudadanonan pariba di brug ta hopi satisfecho cu e gobernacion actual mirando cu finalmente e parti pariba di nos isla ta hayando e atencion debido.