Mentira # 1
Dialuna ora Parlamentario Edgard Vrolijk a publica e contract miyonario di Richard Arends como director di RdA, Richard Arends a core sali di Parlamento y bay sconde den cas di partido. Di eynan hunto cu Mike Eman y Marlon Sneek, el a duna un declaracion cu loke Parlamentario Edgard Vrolijk ta bisa no ta berdad. Pasobra segun Richard Arends, el a tuma su retiro di RdA na 2016. Parlamentario Edgard Vrolijk a reacciona mesora y a reta Richard Arends pa mustra su carta di retiro di 2016.
A tarda 4 dia y diahuebs anochi Richard Arends a publica un carta di retiro cu fecha di awor: 22 augustus 2019! Kiermen el a gaña cu el a tuma retiro na 2016. Ta apenas awor cu su secreto a keda descubri, el a core tuma retiro! Mentira # 1
Mentira # 2
Richard Arends a declara cu nunca ela fungi como director y cu nunca el a cobra di RdA! Otro mentira pasobra den aña 2016 Richard Arends a cobra Afl 299.791 di RdA riba titulo personal y via su compania. E aña 2016 ta e aña cu Richard Arends a firma e contract di trabou pa gana 22 mil florin pa luna. Kiermen cu ela firma e contract y el a cobra 299.791 e aña ey di RdA. Mentira # 2
Un siman nobo ta habri y ban wak cuanto secreto mas ta keda divulga y cuanto mentira mas Richard Arends lo uza pa hustifica su mes. Richard Arends a gaña Parlamento, el a gaña Gobernador y awor e ta purba gaña pueblo di Aruba, no un pero dos biaha caba. Un hende asina no merece representa pueblo den Parlamento. Ta momento ta Richard Arends tuma su retiro di Parlamento!