Nikky Beach – Diadomingo den oranan di merdia polis y tambe dos ambulance a bay Nikky Beach, unda cu lo tin dos persona seriamente herida.
Tawata mas o menos 12:30 diadomingo merdia cu Straatdienst y Maritiem Politie a bay cu urgencia Nikky Beach. Dos persona ariba un Waverunner lo a accidenta y ambos lo tawata herida.
Esnan cu a mira loke a pasa mesora a sali yuda. Segun nos a compronde esnan ariba e Waverunner lo a dal cu velocidad halto contra un Zeilboot ancra pafo.
Debi na esaki un di e personanan lo a fractura su pia y e otro a ricibi basta golpi na curpa.
Na yegada di tanto polis y Paramediconan nan ta haya un di e personanan parti pariba di e beach y e otro tawata banda di pabou.
Despues cu Paramediconan a stabilisa ambos a sali direccion Hospital cu nan.
Doño di e Zeilboot a bay cu Maritiempolitie despues ariba Waverunner pa mira con grandi y serio e daño na su boto ta.
Maritiempolitie segun nos a compronde lo ta esun encarga pa a tuma datos.