L.G.SMITH BLVD – Diasabra atardi pa mas o menos 4:45 varios unidad di rescate di Brandweer hunto cu polis y ambulance a sali direccion Fisherman’s Hut, pa un accidente frontal entre un Bus y un Toyota Rav4.
Tawata trata di un accidente basta serio. Segun nos a compronde, e Toyota Rav lo a bay haci un U-turn y posiblemente no a tene cuenta cu e Bus di Arubus carga cu pasahero entrenan turista biniendo di nort.
E chauffeur di Arubus no por a haci nada nada pa evita e accidente frontal.
Na yegada di Bomberonan mesora nan a cuminsa traha pa libera e dos ocupantenan di e Toyota, ambos a lo a keda pega den e auto.
Mientrastanto unidad di Ambulance cu a yegada tawata controla pasaheronan di e bus, por bisa tur tawata ok. Mas bien nan tawata poco spanta di loke a caba di pasa.
Ambos vehiculo a keda completamente destrui parti dilanti.
Despues di a libera e ocupantenan di e Toyota Rav Paramediconan a preparanan pa sali direccion Hospital.
