Warda Costa ta descubri tres tas cu varios pakete di droga riba un boto, e tres persona a bordo a wordo deteni

Caracasbaai, Corsou: Diahuebs den oranan di merdia, Centro di Rescate y coordinacion (RCC) a detecta un boto sospechoso den Caracasbaai.

Mesora e Centro di Rescate a manda un team di Metal Shark pa haci un control riba e boto aki. Na yegada den Caracasbaai e team enberdad a bin topa cu e boto na e waf di piscado. Mesora nan a cuminsa cu un investigacion ariba e boto. E boto tabata procedente di Boneiro, abordo nan a topa cu tres tas y den e tasnan aki tabata tin diferente pakete y e paketenan aki lo tabata contene droga.

E tres personanan abordo a keda deteni, e boto a wordo tuma den beslag y nan a wordo hiba na e steunpunt di Warda Costa. E tres personanan y e droga haya abordo a wordo entrega na polis pa mas investigacion.