Piedra Plat: Diahuebs den careda di 10’or y mey di mainta, un patruya di polis ta wordo dirigi pa un accidente na altura di veld di Britania.
Na yegada polis a topa cu un ambulance y a papia cu e personal di ambulance kende a splicanan cu un truck di Setar tabata para dilanti di un cas y e personal di Setar tabata riba un trapi na e palo di luz, pegando e wayanan di cabel pa un cas, na momento cu ela accidenta.
E polisnan a bay papia cu e cu victima (empleado di Setar), ela splica polis cu enberdad e tabata pegando e wayanan di cabel, na momento cu un truck a pasa ranca e wayanan di cable bay, cu consecuencia cu ela cay for di e trapi y tabata sinti hopi dolor na su polis rechts.
E polisnan a papia tambe cu colega di e victima y ela declara cu ta trata un di truck cora cu baki preto, e truck tabata transportando santo, e truck no a para pa asumi su responsabilidad, pero a opta pa sigui bay direccion pariba. Ela bisa polis cu en o por a mira e plaachi di number.
Ambulance a trata e victima na e sitio y despues a transport’e pa hospital pa tratamento medico mas avansa. Polis a tuma tur datos y e caso aki tin atencion di autoridad.