Bureau Rampenbestrijding Aruba (BRA) pa medio di e comunicado aki kier a informa lo siguiente na e comunidad di Aruba.
Nos a drenta e temporada mas druk di e periodo di horcan. Den cuadro di esaki ta haci un yamada na e comunidad completo pa den caso cu si den e ultimo añanan cu a pasa bo vivienda a sufri daño pa motibo di awasero, pa registra bo cas na e number di whatsapp di BRA esta 592-9600.
E informacion di e registracion ta solamente pa den caso di un situacion caminda cu tin menasa di awasero e habitantenan di dicho viviendanan aki lo wordo informa y alabez depende di e situacion cu nan lo por wordo sugeri pa nan busca un otro luga pa keda temporalmente.
Tambe lo por acerca e habitantenen di dicho viviendanan ki medidanan nan por tuma pa asina yuda minimalisa e daño cu nan lo por ricibi.
Un biaha mas BRA ta haci e yamada pa manda un whatsapp y registra bo adres. Ta pidi si por registra mas tarda cu dialuna 26 di augustus 2019 pa 12or di merdia.
Ta spera cu comunidad por reacciona riba nos perticion pa asina hunto nos por traha na minimalisa y yuda na evita cu mas victimanan durante awasero pisa cu por afecta nos isla.