Home » Un mucha di 9 aña a fayece despues cu tres pitbull a atak’e y lag’e gravemente herida

Un mucha di 9 aña a fayece despues cu tres pitbull a atak’e y lag’e gravemente herida

by Admin
0 comment 68 views

Armando Hernandez tata di Emma, un mucha muher di 9 aña ta keda kibra y cu un dolor grandi na su curason, despues cu tres pitbull a ataca Emma, nan a mord’e te cu Emma a fayece na e herida serio cu ela ricibi. Segun Armando ela haci tur lo posibel pa reanima y yuda su princess pero tur cos tabata envano e heridanan cu su yiu muhe a ricibi tabata fatal.

Detroit, Michigan, Merca: Dialuna den careda di 4’or di atardi, ora local, e criatura di 9 aña, Emma tabata manera tur mucha hungando pafo, cu su dos rumannan, e tabata coriendo su bicicleta na momento cu tres pitbull a sali for di un cura di cas y a atak’e cruelmente. Emma a wordo mordi pa e tres pitbullnan y den un situacion hopi critico ela wordo transporta pa hospital, caminda lamentabelmente ela bin ta fayece na e mordinan cu ela ricibi di e pitbullnan aki.

Su Tata Armando a splica cu siman pasa caba ela haya problema cu e doño di e pitbullnan pa motibo cu e cura unda e tin e cachonan no ta fuerte suficiente pa cera tres pitbull y cu e cachonan por sali bay riba caya.

Armando ta culpa e doño di e cachonan pa morto di su yiu. Polis mesora a detene e doño di e tres pitbullnan.

Na momento cu e cachonan a ataca e mucha un amigo di e doño di e pitbullnan a saca un arma di candela y a tira un di e pitbullnan mata. Despues autoridad tambe a duna e otro dosnan un hangua, ponenan drumi.

Polis ta culpa e doño di e cachonan aki pa morto di e criatura y a bisa bon cla cu si bo no por domina y cera e cachonan aki drecha, bo no mester tin nan na bo cas, paso nan ta keda cachonan peligroso y awo ta laat, un criatura mas a perde su bida despues di a wordo ataca pa un pitbull.

Na December 2015, cuatro pitbull a ataca y a mata un mucha homber di 4 aña, e doño di e cachonan na momento cu nan a ataca e mucha, e no tabata na cas. Maske cu e no tabata na cas na momento cu e cachonan a sali y a ataca e mucha, asina mes  ela wordo poni responsabel y mester a sinta un aña di castigo di prison y 4 aña condicional.


fuente y imagen: HLN

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio