Parlamentario di Fraccion di POR, Alan Howell ta para 100% tras di ofrece siguridad na henter pueblo di Aruba y su bishitantenan. E ta bisa claramente cu no ta aceptabel pa un preso cera na KIA scapa manera cu e ta haya su gana. Un situacion asina ta trece panico den comunidad, muy especialmente cerca esnan cu ta biba den cercania di KIA.
Saliendo for di e punto di bista aki, Alan Howell a haci Minister di Husticia varios pregunta e siman aki durante reunion public den Parlamento.
“Como parlamentario mi ta dispuesto pa sostene Minister di Husticia pa trece solucion den esaki. Minister di Husticia a confirma cu el a tuma pasonan y medidanan concreto pa evita cu e sucedidonan aki bolbe tuma luga y dentro poco lo introduci por ehempel un Inmate Tracking System(Enkelband) pa e detenidonan”, Alan Howell a duna di conoce.